Te Pōkaitahi Reo Level 5
Te Pōkaitahi Reo (Rumaki) (Te Kaupae 5)
Level 5 Te Reo Course – Advanced Total Immersion
Ko te reo Māori te pūtaketanga o te Ao Māori
Ka ahu whakamua ki ngā taumata teitei mē te tiwhikete kaupae 5 i roto i te reo Māori ki Te Whare Wānanga o Awanuiārangi. He hōtaka rumaki Te Pōkaitahi Reo (Rumaki) (Te Kaupae 5) e ākona ana te katoa o ngā akoranga i roto i te reo Māori, e tautoko ana i ngā kaikōrero matatau ki te whakawhitiwhiti kōrero, kia māia hoki te tangata i roto i ngā huihuinga kanorau. I hangaia tēnei hōtaka tiketike mō ngā tāngata e ngākau-nui ana ki te whakapakari i ō rātau reo Māori.
He nui ake tēnei i te ako noaiho i te reo – he haerenga kē ki roto i te matū o te ao Māori ka āta rumaki, ki te kōrero, ki te tuhituhi me te parakitihi i ngā tikanga i roto i ngā āhuatanga ia rā.
Ko tēnei akoranga he whakatewhatewha whānui atu i te whaikōrero me ngā pukenga mō te reo ōkawa e eke atu ai ki te whakawhitiwhiti kōrero me te hautūtanga hei tauawhi i te mātauranga Māori ki te taumata tiketike.
He aha i ako ai i Te Pōkaitahi Reo Kaupae 5
Ako katoa i roto i te reo Māori
He akoranga rumaki e whakamana ana i te hautūtanga ahurea me te ihiihi.
He Whakapiki i te Reo Kōrerorero me ngā Pukenga Tuhituhi
Whakawhanakehia ō pukenga whakawhitiwhiti kōrero, wetereo me te huinga kupu ki tōnā matatauranga
Kia mau ki ngā Tikanga me te mātauranga Māori
Ka ākona mā roto i ngā pou tarāwaho kaupapa Māori. Mā ngā kaiako e matatau ana ki te hohonutanga o te mātauranga ahurea e whakahaere.
Kuhu mai ki roto i ngā kaupae matatauranga.
Whakarite mō ngā whanaketanga akoranga ki te kaupae 6, ki te tohu paetahi rānei
Ko ngā akoranga ka akohia e koe i roto i Te Pōkaitahi Reo Kaupae 6
- Ki te tū maia ki te whakawhitiwhiti kōrero i roto i te reo Māori ki te taumata matatauranga
- Ki te whakakī i tō kete kupu me te whakatakotoranga kōrero
- Ki te tuku kōrero mā te karere ā-waea
- Ki te whakauru atu ki ngā kaupapa tikanga Māori ki tōnā hohonutanga me te hautūtanga ahurea
- Ki te kōrero i te reo Māori i ngā huihuinga ōkawa me te ōpaki tae atu ki te marae
- Ki te kōrero i te reo Māori e hono atu ai koe ki te whenua me te taiao
Ko wai ka āhei ki te tono?
- Ko ngā akonga kua whakapōtaetia, i tutuki hoki ā rātau akoranga kaupae 4
- Ko ngā akonga mai i te kaupae māhuri e ngākaunui ana ki te takiura o te reo Māori me te mātauranga Māori
- Ko ngā ringa ngaio e rapu ana ki te whakauru atu, ki te ārahi rānei i roto i ngā wāhi wātea o te reo Māori
- Ko ngā toa o te reo Māori e manawanui ana ki te whakaora i te reo Māori ki roto i ō rātau hapori
Dates
20-weeks: 02 Feb to 21 Jun 2026, 40-weeks: 02 Feb to 08 Nov 2026 (40-week option for business stakeholders)Duration
20 weeks and 40 weeks (40-week option for business stakeholders)Commitment
Blended learning including noho, wānanga, online learning and self-directed learningApplications close
16 Feb 2026Locations
Whakatāne, Tāmaki campus, Papatūānuku Kōkiri Marae Mangere, Kaikohe, Aotearoa (online)Requirements
Tauira must have completed Te Pōkaitahi Reo (Rumaki, Reo Rua) Kaupae 4 or equivalent and/or attend an interview with a kaiako to determine level of Te Reo Māori proficiency for Kaupae 5.Pathway to
Te Pōkaitahi Reo (Rumaki) Te Kaupae 6Fees
Tuition fees freeREO501 Mana Tangata 5
Course Type: Core
Description: Mā tēnei pepa ka whakamahi i ngā kupu, i ngā hanganga wetereo me ngā pūkenga rehe ki tōna taumata tiketike i te whānuitanga o ngā horopaki e taunga nei te tauira, o ngā horopaki hoki e tauhou ana ki a ia mā roto atu i ngā mātāpono hei tohu i te mana tangata. Ko ngā kaupapa ako o tēnei kōwae ako ko:
- Ngā oro o te reo Māori.
- Te rere o te reo o te taumata tiketike i te whānuitanga o ngā horopaki.
- Te mita o te reo.
- Te whakamahi me te taki i ngā rerenga kōrero i roto i tētahi kōrero tene.
- Ngā mahi hanganga wetereo.
- Te ruku whakaaro me ngā pūkenga rehe.
REO502 Mana Whenua 5
Course Type: Core
Description: Mā tēnei pepa ka kawe i te teiteitanga o te reo me ngā kīanga, i ōna wā e tika ana, kia pai ai te whakaatu i te whānui o te mōhio ki ōna hononga ki te whenua me te taiao, ki ngā wāhi, ki ngā tāngata, ki ngā tāhuhu kōrero me ngā pūrākau rongonui, tae atu ki ngā pepeha me ngā kīwaha o te rohe i te whānuitanga o ngā horopaki e taunga nei te tauira, o ngā horopaki hoki e tauhou ana ki a ia, hei whakaputanga i te mana whenua. Ko ngā kaupapa ako o tēnei kōwae ako ko:
- Ngā oro o te reo Māori.
- Te rere o te teiteitanga o te reo.
- Te mita o te reo.
- Ngā kōrero pūrākau, pepeha, kīwaha, kīanga rongonui o te horopaki.
- Ngā tātai whakapapa o te iwi me ngā hononga o te iwi ki te whenua me te taiao.
REO503 Mana Reo 5
Course Type: Core
Description: Mā tēnei pepa ka Whakamahi i ngā pūkenga rehe ki tēnei taumata tiketike, kia pai ai tana tū takitahi ki te whakawhiti kōrero me te whakamahi i te reo kia auaha ai i ngā horopaki e taunga nei ia, i ētahi horopaki hoki kāore e pērā rawa ana tana taunga ā, ki te whakatairanga anō hoki i te whakamahinga me te whanaketanga o te reo mā roto atu i tana whakaaronui ki te mana o te reo, hei tohu i te mana reo. Ko ngā kaupapa ako o tēnei kōwae ako ko:
- Ngā oro o te reo Māori.
- Te rere o te taumata-ā-tumu.
- Te mita o te reo.
- Ngā tikanga o te reo
- Ngā kōrero whakamōhio atu ko wai a wai.
- Ngā tātai whakapapa ki ōna kaumātua, tīpuna me ōna tīpuna tuarua.
REO504 Mana Ao Tūroa 5
Course Type: Core
Description: Mā tēnei pepa ka Kawe i te reo ki tēnei taumata autaia tonu, ki te whakatutuki i ētahi mahi me te ārahi i ētahi atu i ngā horopaki hoki e tauhou ana ki a ia mā roto atu i ngā mātāpono hei tohu i te mana ao tūroa. Ko ngā kaupapa ako o tēnei kōwae ako ko:
- Ngā oro o te reo Māori.
- Te rere o te taumata-ā-tumu.
- Te mita o te reo.
- Ngā tikanga o te reo
- Ngā kōrero whakamōhio atu ko wai a wai.
- Ngā tātai whakapapa ki ōna kaumātua, tīpuna me ōna tīpuna tuarua.
Ngā korero a ngā tauira
Student voice
Desmond Harawira Te Pōkaitahi Reo graduate
Danae Lee Te Pōkaitahi Reo and Environment Studies graduate
Papatūānuku Kōkiri Marae
Tomo mai ki Awanuiārangi
Experience Awanuiārangi
School of Undergraduate Studies
Wānanga learning style
Whakapā mai/Contact us
Interested? Make an enquiry
We will email you an info pack